Skessan

Nýr staður...

2008-09-13T16:35:00.000-07:00

Ég hef ákveðið að blogga bara um Iðu og hennar ævintýri á mínu bloggi... alveg ómögulegt að vera með svona margar bloggsíður..

Endilega kíkja við - Kíkja hingað!

Sumar fréttir...

2008-06-11T03:40:00.000-07:00

Við mæðgur kíktum alls ekki fyrir svo löngu á Skoppu og Skrítlu. Mér fannst sýningin frekar súr og er nokkurn vegin viss um að Iða hafi verið á sama máli - hún allavega pantaði að sjá Gosa aftur næst!!!

Við vorum frekar snemma í því og byrjuðum því í bakarí og á róló... endalaus hamingja :)

Iða 2 ára

2008-03-31T02:34:00.000-07:00

Á tveggja ára afmælisdaginn, svo sæt og fín!

Besta vinkonan Isabella

Sætastar!

Þar til næst :)

Iða skrappari

2008-02-08T06:31:00.000-08:00

Nú er Iðan farin að taka þátt í hobby móðurinn af lífi og sál...

köttur til bjargar..

2007-12-21T06:21:00.000-08:00

Iða hefur tekið upp á því að príla mikið og reyna að komast á staði sem eru kannski aðeins fyrir ofan hennar getu. Þetta hefur auðvitað oftar en ekki endað með því að hún dettur hingað og þangað en sem betur fer aldrei neitt alvarlegt.

En í gærkvöldi var næstum farið illa, Iða frekar lúin, þetta hafði verið frekar langur dagur. Hún var svo næstum tilbúin í rúmið þegar hún bað um að fá að borða... og þar sem hún hafði borðað frekar lítið í kvöldmat ákvað ég að gefa henni eitthvað í gogginn. Við byrjum á sviðasultu, hún situr í stólnum ég við hliðina á henni og kattarklessan okkar liggur við fætur mér. Iða fær svo leið á sviðasultunni og vill fá súrmjólk.. aftur er það ekkert vandamál því ef hún borðar þá sefur hún betur...

Á meðan ég geri súrmjólkina klára í disk þá ákveður Iða að klifra niður úr stólnum og reyna að koma smá sviðasultu í köttinn - hann var ekkert voða spenntur. Svo segji ég henni að setjast því nú fái hún súrmjólk. Hún tekur stökk uppá hliðna á stólnum og hann byrjar að vagga. Úff þetta er svona atriði þar sem allt gerist í slow motion, og það versta við þetta er að þú einfaldlega getur ekki hreyft þig nógu hratt.. Iða missir takið á stólnum og ég sé hana bara detta beint aftur fyrir sig.
Á meðan á þessum hasar stóð var ég að hamast við að leggja frá mér súrmjólk skálina og taka þessi 3 skref yfir eldhúsið til að grípa hana - í paniki yfir því að geta ekki hreyft mig hraðar....

Ég rétt kem í tíma til að grípa stólinn á þeirri sek sem Iða skellur í gólfið... með rassinn - höfuðið lenti á kattarklessunni sem varð alls ekki var við þennan hasar í eldhúsinu fyrr en barnið lenti á honum!!! Hjúkk! Ég sem sá fyrir mér heilahristing og nótt á slysó endaði bara með léttum kossi á rassinn - bágtið - og allt búið :)

Jóla jóla

2007-12-18T02:30:00.000-08:00

Iða er alveg að fíla þetta jóla dót - það er allt vólaveinahitt og vólaveinaþetta!

Fór á jólaball á leikskólanum um daginn, var víst alveg hrikalega hrædd við jólasveininn, hékk eins og apaungi utan á fóstrunni. En herti sig nú samt upp og fór og tók á móti pakkanum sínum frá honum - fékk mandarínu og bók um bíbí! Svo þegar ég kom í foreldrakaffið þá sagði hún mér eitthvað fullt um jólasveinin, ég skildi smá, endaði á HAHAHO og stökk svo í fangið á mér. Alveg næstu daga var alltaf að heyrast í minni.. "HAHAHO" en þetta átti líka til með að enda á því að hún kom hlaupandi, reykspólaði upp í fang og var voða hrædd við jólasveininn...

Mig langaði svo að sjá hana í kringum jólasveina að ég gerði svo heiðarlega tilraun til að fara með hana á jólaball Icebank síðasta laugardag, en vegna ófullnægjadi upplýsinga þá fann ég ekki staðin sem þetta var á og endaði á oftroðinni jólaskemmtun í Smáralindinni... en það var í sjálfusér allt í lagi - mig var bara búið að hlakka svo til að sjá Iðu og jólasveininn sama :/

Dúllan er svo klár fyrir jólin, búin að fatta að það er gaman að opna pakka - fékk að opna einn frá ömmu Dísu og svo auðvitað frá jólasveininum... vill helst eiga alla pakka sem hún kemur nálægt, í það minnsta halda á þeim! Fötin klár - á eiginlega bara eftir að ákveða hvað við eigum að gefa stubbu í jólagjöf... eða hvort við leggjum bara inn á reikningin hennar - hún fær hvort eð er svo mikið og kemur ekki til með að muna hvað er frá hverjum...

Meira bros

2007-11-15T04:50:00.000-08:00

Eitthvað ákvað skvísan að það væri inn að vera með tunguna út í þessari myndatöku...

Brosbarn

2007-11-15T04:43:00.001-08:00

Myndir síðan Iða fór í Brosbarna myndatöku í sep!

Fallegust

2007-11-15T02:36:00.001-08:00

Mín orðin 20 mánaða, farin að tala helling, pissa í kopp og stjórna eins og herforingi..

Nýtt 19 mánaða blogg...

2007-10-15T14:25:00.000-07:00

Jæja Iða var 15 mánaða þegar ég setti síðast inn af henni myndir og lét vita af því hvað væri svona helst að frétta... eru fréttir með 4 mánaða millibili ekki hörku fréttaflutningur!

Ég er nú reyndar orðin árinu eldri í dag en í gær... sver að ég hef ekki grætt svo mikið sem krumpu í dag..

En aftur af heimasætunni sem jú á þetta blogg- hún er frekjudolla sem vill ráða öllu þrátt fyrir að ná ekki 1 metra á hæð. Fann til dæmis sundbol í morgun, fór úr náttfötunum og tjaaa "í" sundbolin - ég er svo viss um að þið heyrðuð öll öskrin þegar ég togaði sundbolin af henni... það skiptir ekki máli hvar á landinu eða heiminum þið eruð!

Já hún er sjálfstæð litla skessan mín, talar og talar, skammar köttinn og bannar mömmu sinni að syngja!! Nýjasta orðið hennar er bassi - og myndi það þýðast sem bangsi! Hún hefur reyndar ekki komist í að kalla pabba sinn annað en Bi. Ég hélt um daginn að hún væri farin að segja aBi, því hún sagði það í sífellu: en núna er ég farin að hallast af því að þetta hafi meira verið hvar er pabbi.. því hann er jú í útlöndum kallinn!

Jæja myndir af skottu...

Leikskóla stelpa

2007-06-07T10:26:00.000-07:00

Þá er maður búin að vera þrjá daga á leikskólanum..

Fyrsti dagurinn sem litla var skilin eftir var víst horror - grátið allar 30 mín.
Næsti var mun skárri og hér koma myndir sem við fengum sendar :)

Það er kannski ekki bros útaf eyrum... en allt í áttina!

Kollhnýs

2007-04-09T15:47:00.000-07:00

Það er ekkert smá skemmtilegt að eiga 1 árs gamalt barn. Það er svo fyndið að sjá Iðuna litlu uppgvöta heiminn í smá skömmtum. Endalaust brosið allan hringinn alla daga nema þegar hún er reið - þá skín í allar 7 geyflurnar með tilheyrandi orgum.

Það nýjasta hjá skessunni þessa dagana er að hoppa, það er alveg hægt að drepast úr hlátri þegar hún byrjar... hún getur varla labbað og kýs en að skríða millilangar og langar vegalengdir. En hoppa skal hún!!! Iða byrjar á að setja sig í stellingar, beygir sig í hnánum - rétt eins og atvinnuhoppari - og reisir sig svo við með ógurlegum látum... og horfir svo rígmontin á alla viðstadda... En málið er auðvitað að það hoppar ekkert nema í mesta lagi hárið á höfðinu á henni í þessum hamagang.

Og ekki má gleyma kollhnýsnum - ég held að þessi stelpa sé algjör æslabelgur - hún hamast og hamast við að steypa sér í kollhnýs, sem felur það í sér að hún treður hausnum í dýnuna og veltur svo einhvern vegin út á hlið - agarlega gaman! Þá er auðvitað þrusu gaman þegar pabbi er til í að ýta aðeins undir bossan svo snúningurinn verði nú almennilegur.

Hér eru svo nokkrar myndir af stubbu í aksjon!

Iða á Ítalíu

2007-02-04T02:39:00.000-08:00

Þó Iða sé ekki orðin 1 árs, þá hefur hún farið tvisvar til útlanda.. enda markmiðið að vera búin að sjá heiminn fyrir fermingu svo hún viti hvert hún vill fara í fermingarheimsreisunni ---ehhh ein sem er sem sagt að vonast til að sleppa við veisluna og fá að fara í heimsreisu í staðinn ;)

snjór snjór snjór!!

2007-01-11T08:41:00.000-08:00

Þá er búið að prófa að leika sér í snjónum í fyrsta skipti, og það er ekki annað að sjá en skottu líki bara vel. Dembdist meira að segja á kaf með andlitið í snjóinn - en það var bara fyndið ;)

Loksins

2006-12-18T14:12:00.000-08:00

YEEESSSS!!!

Er búin að vera að reyna að birta þetta myndband hérna á netinu síðan Iða var 8 mánaða, hún er nota bene núna rúmlega 9 mánaða..

Eitthvað vandamál með að tengja youtube.com við blogger... urrr, en þetta er loksins komið og þá er málið að fara að dæla inn myndböndum af skvísunni í leik og starfi :)

Brumm brumm

2006-12-17T12:34:00.000-08:00

Mamma!!!

2006-12-15T14:18:00.000-08:00

Haldið ekki að skottið sé farið að kalla mig mömmu og svo kyssir hún líka alla í bak og fyrir sem um það biðja... reyndar oftar en ekki með slefi og hori - totally worth it!

Svo er Iðan á leið á sitt fyrsta jólaball á morgun, mig hlakkar til, veit ekki með hana, held að hún hafi ekkert vit á því hvað sé í gangi.. en hey ljósin eru falleg, svo verður örugglega þrusu stuð að reyna að ná jólaskautinu af trénu ;)

Ekki tekið út með sældinni..

2006-12-07T16:47:00.000-08:00

Jæja Iða hélt uppá daginn með því að steypa sér fram úr mömmu og pabba rúmi og græða risa horn á ennið... þetta kostaði tár, hor og org en jafnaði sig fljótlega eftir hæfilegt magn af mömmu og pabba knúsi...

.. þá tóku við stífar göngu æfingar - enda fyrsta jólaballið þann 16.des - en það fór ekki betur en svo að litlan flaug beint á hornið á stofuborðið og græddi þar sína aðra kúlu á 20 mínútum!

Það eru sem sagt fréttir dagsins - frétt morgundagsins er hins vegar að Iða á tíma hjá prófessional ljósmyndara, sem ætlaði að smella nokkrum af fallegastri. En nú lýtur úr fyrir að það verði fallegust + tvö horn sem fari í myndatöku...

Smá fréttir

2006-12-03T13:12:00.000-08:00

Vá hvað litla stelpan mín er orðin stór. Í gær náði hún þeim merka áfanga að hafa verið jafn lengi utan bumbunar og hún var inní henni - en nú fara dagarnir að telja sem hún hefur verið lengur utan bumbunar ;)

IÐA er sko í fullu starfi við að þroskast, stækka og leika sér. Standi upp æfingarnar hafa leitt út í það að nú getur hún farið hringinn í kringum stofuborðið, þó hægt fari. Held nú samt að hún sé ekkert að labba markvisst í kringum borðið heldur bara alltaf að teygja sig eftir meira spennandi dóti en hún er þegar komin með..

Og það sem var augljóslega markmið IÐU fyrir þessa vikuna er í höfn - en það var að geta haldið á báðum skriðskónum sínum í annari hendinni. Það voru annsi tilkomu miklar tilfæringarnar sem fóru í þessar æfingar og meðal annars tók hún 15 hringi á stofugólfinu heima hjá ömmu Kibbu þar sem hún var með einn skó í hendinni en kastaði honum óvart fram yfir hinn sem lá á gólfinu þegar hún ætlaði að góma þann sem á gólfinu lá... æj þetta var sko miklu fyndnara að sjá en að skrifa.

En núna getur hún strax gripið báða skóna í aðra hendina og þá heldur hún þeim uppi heldur betur montin og segir ú-ha, ú-ha, ú-ha, sem að ég held að sé kryptoníska og þýði VÁ! Enn annars er hún farin að spjalla fullt, heldur reiðilestur yfir dótinu sínu og rekur alla á heimilinu áfram eins og herforingi. Verst að það skilst lítið af þvi sem hún segir - nema jú hún er farin að segja babba baba bababa babba - sem við kjósum að túlka sem slíkt að hún sé að kalla á föður sinn ;)

Kæru gestir....

2006-12-01T05:49:00.000-08:00

Ég vil bara taka það fram að þessi síða er bara undirsíða af aðalsíðunni sem er HÉR.....Þar er gestabók og allt hitt. Þessi síða er svo linkuð þar og heitir Skessuhorn og er eingöngu með texta og comment.. Bestustu kveðjur

Nýtt trix

2006-11-01T13:17:00.000-08:00

Haldið ekki að skessan hún Iða sé búin að læra nýtt tirx!! Já nú lætur hún tunguna smella í gómnum í gríð og erg.... og er búin að segja mér að hún þurfi ekki að læra að klappa þetta sé alveg nóg..

Annars er það að frétta af standi upp æfingunum á K1 að það voru tveir skellir í dag.. einn beint á hnakkann hjá dagmömmunni og svo annar beint á andlitið á baðherbergisflísarnar!! Áverkar voru minniháttar og gleymdust fljótt - en hér verða byrjenda erfiðleikar ekki settir fyrir sig og Iða heldur áfram óhrædd við að reyna. Enda ætlar hún að dansa en ekki skríða í kringum jólatréið í ÁR!!!

Dadara....

2006-10-30T04:18:00.000-08:00

Fyrsta tönnslan komin, eða allavega er hún að koma....Mamma & pabbi fundu fyrir einhverju hörðu í neðri gómnum í gærkvöldi, & ekki er um að villast. Þetta er tönn ! Nú er bara að bíða spennt & sjá hvort hún sé ekki örugglega hvít & skínandi þannig að hægt verði að bursta hana þannig að hún glansi eins & gull & svo er bara að bíða eftir restinni af stellinu......

Hor hor og meira hor

2006-10-10T15:28:00.000-07:00

Haldið ekki að horið sé komið aftur - og tvice as ugly!
Við Iða vorum sem sagt bara heima í dag að þurrka hor, sjúga hor, þurrka meira hor og kannski smá slef með því..

Annars er það að frétta að Iða er búin að þróast úr atvinnuormi.. nú ferðast hún um íbúðina í nokkurskonar rassaköstum - mjög frumlegt en þetta er víst nýji skriðstíllinn á tímum endalausra parketa! Besta við þetta er auðvitað að á þessum ferðalögum moppar hún smá línu af parketinu, það er alveg spurning um að sauma rykmoppu á rassinn á öllum buxunum hennar og fá hana til að fara í skipulögðum ferðum fram og til baka um stofuna...

Á fullri ferð....

2006-10-02T12:06:00.000-07:00

Jæja nú er ég bara byrjuð að skríða á fullu út um allt......& ef að hluturinn er nógu & spennandi þá er bara nokkuð góð ferð á mér sko. Mest toga ég mig áfram á höndunum, en lappirnar gera svona hundasund á meðan & sprikla útum allt. Nú á ég bara eftir að læra að setjast upp sjálf & þá er ég bara orðin fær í flestar betri samkomur, allavega hér á stór-Reykjavíkur svæðinu.

Sjáumst !

Kvöldfrettir

2006-09-28T15:58:00.000-07:00

Jæja þá er horið á undanhaldi... loksins!

Þetta smá hor hennar Iðu lagði alla fjölskylduna í rúmið í tvær vikur!

Annars er litla ljósið farin að sitja eins og herforingi - missir einstaka sinnum jafnvægið en þá er það bara vegna þess að mest spennandi hlutirnir eru svo langt frá henni að hún þarf að kasta sér á eftir þeim :=) Og svo er það bara daga spursmál um hvenær skvísa fer að skríða...

Skildi hana eftir á teppinu sínu meðan ég bjó til kvöldmatinn hennar - maísgraut með gulrótamauki útí, má bjóða ykkur? - Þegar ég kom aftur inní stofu var litlan búin að ferðast 1 og hálfan metra yfir að skúffunum sem eru undir hátölurunum og ná að draga neðstu skúffuna alveg úr.. Litla tætibuskan var hæstánægð með árangurinn og brosti sínu blíðasta yfir skammastrikinu!

Hor & aftur Hor

2006-09-13T06:59:00.000-07:00

Nú er ég búin að næla mér í fyrsta kvefið mitt & reyndar fyrstu veikindin mín í öllu mínu lífi. & ég er gjörsamlega búin að vera að drukkna í grænu slími sem lekur úr nebbanum á mér & ég veit ekkert hvað þetta allt er né hvaðan það kemur. Mamma & pabbi eru alltaf að ráðast á mig & þurrka nebban & pabbi keypti meira að segja horsugu. Sem að er mjög skrítið tæki til að hjálpa horinu mínu út. Hann keypti reyndar tvær gerðir, en önnur gerðin er svona sem að einhver þarf að sjúga sjálfur, en hún er bara enn í pakkanum (því það vill enginn taka það að sér að nota hana, skil ekki alveg híhí). Ég get ekki beðið eftir að horið fari, en svona er þetta víst bara að stundum kemur svona hor & ekkert hægt að gera. Bæó... Iða

Í leik og starfi

2006-08-25T04:15:00.000-07:00

Ég að hjálpa afa að vinna!

Afi komdu með þetta!

Vinna smá meira..

Ég og Óli frændi að kasta glensi

Nammmi tær... og frábært hár!

Svo vil ég bara vekja athygli á því að nú er ég komin með þessa fínu gestabók! Vil ég þakka henni Hrönn hana, en hún er fenginn af síðunni hennar ;)

Þá þurfa allir að taka til við að kvitta og kvitta og kvitta - kvittið frá ykkur allt vit, því ég vil fá að vita hverjir eru að fylgjast með svo ég viti hvert ég eigi að senda jólakortin.. híhí!

Heyrið mér nú aldeilis..

2006-08-21T11:19:00.000-07:00

Haldiði ekki að hún Iða hafi velt sér af bakinu yfir á magan í fyrsta skipti áðan - og mamman missti barasta af því, ég var inní eldhúsi að vaska upp... Veit þetta stelpuskott ekki að hún á að bíða með allar róttækar breytingar þar til mamman er að horfa.

Allavegana þá skildi ég hana eftir á bakinu að leika sér á teppinu sínu, höfuðið sneri að sjónvarpinu... þegar ég kom fram var mín á maganum hæst ánægð búin að ná í eitthvað skjáfi dót sem er fast á teppinu með fæturnar í átt að sjónvarpinu... sem sagt hálfhringur á báða bóga!

Og nú er ógurlega stutt þar til að Iðan verður 6 mánaða! Úff það verður orskot þar til hún er búin að vera utan bumbunar jafn lengi og hún var inní henni.. og síðan verður þetta bara uppá við eftir það ;)

Alltof lang siðan siðast...

2006-08-10T05:06:00.000-07:00

Sem sagt allt á fullu hjá litlum skriðum... nú þarf hún bara að læra að velta sér af bakinu yfir á magan, en hún hefur alveg látið það eiga sig!

Iða er samt algjör hláturpoki, og hlær og hlær... held ég hafi bara sjaldan heyrt eins falleg hljóð ;=)

Jæja þá..

2006-07-27T15:25:00.000-07:00

Nú er ég búin að reyna tvisvar að blogga hérna - en nei blogger.com er alltaf með einhverja stæla og neitar að setja inn myndir.. og mér finnst ekkert gaman að blogga án þess að hafa myndir... þetta á líka að vera svona myndablogg... urr spurning um að ég hringi í einhvern og lesi honum pistilinn..

Annars er fínt að frétta af Iðunni... hún er bara á fullu að uppgvöta heiminn og hamanst við að reyna að smakka og slefa á allt sem fyrir verður!

Hún er búin að fara í golf með mömmu og pabba, í sumarbústað með pabba sínum (mamma kæruleysis kerling var bara að gæsa) og vera í pössun hjá ömmu meðan mamma lærir og pabbi vinnur...

Jæja ég ætla að fara og sparka í blogger...

Iða skriða...

2006-07-18T14:32:00.000-07:00

Þetta er ég búin að vera upptekin við síðustu daga...

Ég hjálpaði mömmu að vaska upp,

Og elda smá!

Söng í hoopurólunni góðu

og gólaði...

svo borðaði ég smekkinn minn!

Fór í sund með pabba...

Og mömmu...

og reyndi að bíta í allt sem gómur á festi :)

Las svo lítið í Phoo bókinni minni..

og smakkaði hana líka..

Klæddi mig upp..

og skrapp í veislu...

2006-07-11T05:06:00.000-07:00

Allir krakkarnir voru að skjóta nema Iða hún var en að miða...

Héðan er svo sem allt fínt að frétta, ferðin heim gekk svona upp og ofan og en ef þið viljið fá fulla ferða sögu með tilheyrandi hljóðum og handapati verðið þið bara að koma í kaffi...

Svo er bara hamast við að stækka og þroskast. Iða er farin að halda sjálf á öllu mögulegu og troða því upp í sig, farin að velta sér á hliðna fram og til baka ef hún er bleyjulaus og teppinu, en hún hefur ekki velt sér aftur af maganum yfir á bakið - sennilega bara verið slys þegar hún gerði það tvisvar í röð síðast ...

Og en leikur Iða í Danaveldi

2006-07-06T06:11:00.000-07:00

2006-07-03T11:23:00.000-07:00

Þá er maður bara komin í Danmörkin að heimsækja afann og ömmuna og auðvitað Írisi frænku! Hér er samt alltof heitt var um 30 stig í dag, og Iðan er frekar pirr... en lagaðist helling eftir tvær smekkfullar bleyjur af skí...

Í gær prófuðum við að fara á ströndina og Iða fékk að setja tærnar í sjóinn - var samt ekkert bjálæðislega hrifin :)
Svo var það bara sólbað í dag og haldið sig heimavið, þar sem stutt er í svalan skuggan, kosturinn við að vera bara heima er svo sem að á meðan eyðir maður engu ;)

2006-06-22T05:09:00.000-07:00

úff maður er svo sætur þegar maður sefur svona vært :)

Annars er það að frétta að Iða tók sig til í gærkvöldi og gubbaði sig og mömmu sína alveg risagusu... vissi ekki að það kæmist svona mikið magn af mjólk fyrir í svona litlum kroppi. En eftir á að hyggja var svo sem alveg notó að standa berfættur í risa gubbupolli - bara kósí!

Svo komu Lísa og Pétur Steinn í heimsókn, það var ekkert smá gaman að sjá þau aðeins. Pétur Steinn er orðinn algjör bolti miðað við síðast þegar við sáum hann. Hann hjálpaði svo til við að laga til í DVD hillunni og mátaði snuðin hennar Iðu - þau pössuðu bara fínt ;)

Annars er það að frétta af myndavélinni okkar að hún datt í gólfið og eyðilagðist - en ég held að ég sé tryggði fyrir svona skakkaföllum og ætla að hringja í Vís og athuga málið

over and out

Morgunhæna

2006-06-20T04:04:00.000-07:00

Þessi litla önd er búin að vera fruntalega morgunhress síðustu daga... svo mömmunni þykir alveg nógu um skal ég segja ykkur :)

Annars prófuðum við sundbolin fína í fyrsta skipti í gær - reyndar bara í baðinu. En ég þarf nú alveg að fara að hringja í Snorra og athuga hvenær við komust eiginlega að í sundinu góða :)

Þjoðhatiðardagurinn!!

2006-06-17T12:46:00.000-07:00

Hæ hó og jibbý jei
það er kominn 17.júní...

Og það bara fyrsti 17, júníinn minn - ég fór niður í bæ, tvisvar! Fyrst með mömmu og pabba... við borðum hádegismat á Horninu og ég gersamlega sjarmaði alla nærstadda með því að vera svona góð allan tímann sem mamma og pabbi voru að borða.

Svo fór pabbi barasta að vinna - fyrst við útsendingu frá Lækjartorgi og svo við að selja candyfloss með Binna... við mamma fórum þá og hittum ömmu og ömmu löngu og fengum kaffi... svo fórum við aftur niður í bæ og hittum Öglu frænku og Binna, eyddum mestum tíma í að horfa á Kristínu og Perlu fara í leiktæki :)

Ég var svo góð í dag - ekki það að það sé óvenjulegt að ég sé góð, bara svaf og svaf eins og Þyrnirós, sem var reyndar líka besta barn...

Svo settum við inn linka á heimasíður hinna marsbúanna - en það eru vinir mínir sem eru líka fæddir í mars!

Nú svo þegar heim var komið var það bara baðið góða og aftur að sofa... endalaust sem ég get sofið, enda á ég ekki langt að sækja það!

Iða Bloggar!!

2006-06-16T02:22:00.000-07:00

Já Skessan Iða er orðin 3 mánaða og af því tilefni hefur hún/ég ákveðið að það sé kominn tími til að hún fari að blogga ;)

Annars er héðan að það að frétta héðan að mamma húsmóðir dauðans brenndi saman 5 snuð... gleymdi þeim aðeins í pottinum í svona tvo tíma. Rankaði svo við sér við ógurlega plastlykt og mikinn reyk og þá voru snuðin og potturinn sennilega líka ónýt..

Á fimmtudaginn komu svo níu nýjir vinir að heimsækja mig - einn var því miður lasinn og komst ekki - en við hin 10 skemmtum okkur konunglega meðan mömmurnar kepptust um að safna hitaeiningum og troða í sig kræsingunum... það eru enn til afgangar ef einhverjum langar í :)

Og svo er loksins búið að finna lækningu við ungbarnaunglingaveikinni (vá langt orð) en hún felst í því að ég vill ekki liggja eins og smábarn í ömmustólnum - nei nei nei ég vil vera eins og fullorðna fólkið, upprétt og fín! Og því var fjárfest í þessum líka fína Bumbo stól - ég hreinlega elska að vera í honum, en get svo sem ekki verið lengi í honum í einu enþá... hausinn er ekki alveg orðin nógu stífur til þess en það kemur...